home | toki pona taso | essays | stories | weasel | resources | stuff I like | about | linjamanka | give | linguistics

toki pona taso home | waso | kili | supa | len tonsi | kon pan | toki | ma en jan | kalama | jasima

(if on mobile, tilt your phone to the side)

mu

lipamanka li pali e ni
supa li seme

supa li suli tawa jan
jan ale li jo e supa
    li kepeken supa
supa li jo e ijo sina

sina moku lon supa
sina lape lon supa
sina pali lon supa
sina unpa lon supa
sina utala musi lon supa
sina kepeken ijo lon supa

tenpo ni la sina lon supa anu seme
sinalukin e lipu ni
lipu ni li lon supa anu seme
lipu li lon ala supa
  la sina lon supa anu seme
sina tawa noka
  la anpa li supa anu seme
sina tawa sewi lon kasi suli
  la luka kasi li supa anu seme
supa li lon poka
sina pana e monsi tawa anpa
  la anpa li supa a
mi sitelen e ni la mi lon tomo

supa mute li lon
supa ni li lon
  mi lape lon ona
supa ni li lon
  mi pali e lipu lon ona
supa ni li lon
  mi pali e moku lon ona
supa ni li lon
  ona li jo e moku mi
supa ni li lon
zona li jo e misikeke mi
supa ni li lon
  ona li jo e ijo ale ante mi

supa mute a li lon tomo mi
mi ken ala toki e supa ale
o lukin e supa
o pilin insa e supa

lipamanka supa+kasi