home | toki pona taso | essays | stories | weasel | resources | stuff I like | about | linjamanka | give | linguistics

toki pona taso home | waso | kili | supa | len tonsi | kon pan | toki | ma en jan | kalama | jasima

(if on mobile, tilt your phone to the side)

lipamanka li pali e ni
        len tonsi

open li lon anpa
mi wile toki e ijo ike
mi toki e ni
  jan li ike tawa tonsi
ni>^ li ike tawa sina
  la o lukin ala

open la len li seme
len li awen e seli
len li selo e sijelo
len li pona e sina
  lon nasin ni
  jan li lukin e sina
    la sina pona
      tawa lukin ona
len ni^ li pona mute

mi toki e ijo pi lon ala
mama sina li ike tawa tonsi
sina tonsi
  la sina len e sona ni
ona li ken ala sona
len ni^> li pona anu seme
len ni>^ li awen e sina
taso len ni^>li weka e wawa
      li weka e ken pona
sina kama ala ken pilin pona lon mama
taso len li ni^> ala
ni>^li ike mama
  li ike pi len ala
la seme

mi ni^
mi tonsi
mi toki ala e tonsi mi
  tawa mama
taso mi toki e ni^ tawa jan ante

len tonsi ni^ li ike tawa mi
mi wile e len tonsi ante a
mi toki e len pona
    e len ike
tan seme la len tonsi li ike
mi wile e len tonsi pona

len tonsi pona o lon sijelo
kule ona o toki e ni tawa jan ante
  jan ni li tonsi
kule ona o jelo
    o walo
    o laso
    o pimeja
kule ni>^ li pona mute

mi wile weka e len ike
mi wile jo e len pona

lipamanka len-tonsi