home | toki pona taso | essays | stories | weasel | resources | stuff I like | about | linjamanka | give | linguistics

toki pona taso home | waso | kili | supa | len tonsi | kon pan | toki | ma en jan | kalama | jasima

(if on mobile, tilt your phone to the side)

lipamanka li pali e ni
        kon pan

open li lon anpa
mi wile toki e tan pi lipu ni
kulupu mi la jan li pana e sona
sona ni li wawa tawa mi lili
sona li toki e ni
      jan mute li ike
      taso sina sona wawa
      la sina ken anpa e ona
lipu ni li sona pi kulupu mi
mi pana tawa sina

open la meli li lon
ona li pona mute tawa kulupu
ona li suwi mute tawa jan lili
        tawa jan poka
        tawa jan lawa
        tawa jan anpa
ona li jo e lili
taso ona li ken
  la ona li pana e ijo ona
    tawa jan wile
taso ijo nanpa wan li ni   mu ona li suwi mute
ona li mu la jan ale li kama kute

tomo ona li lon nasin
poka ante nasin la mije li lon
mije ni^> li pali e pan
pan ni^>li pona mute
    li suwi
    li wawa
mije li pali e pan pona
taso ona li ike mute
    li wile e mani taso
        e pona ala pi jan ante
kon li kama tan pan ni^
kon ni^< li pona mute
    li tawa lon sewi nasin
tawa lupa pi tomo-meli
meli pona li nena e kon
kon li pona mute
meli li toki
  mi jo ala e ijo mute
  mi jo ala e mani
  mi jo ala e moku
  taso mi nena e kon
  la mi moku e kon
ona li toki e ni lon mu ona
        lon kalama ona
      tawa jan ale kute
    tawa jan lili
  tawa jan suli
taso jan soweli li kute e ni^
  la ona li toki e niv< tawamije
    mije o
    meli li kama jo e kon sina
      li pana ala e mani tawa sina
mije li mu wawa
  ni^ li ike a
  ona li ken ala moku e kon mi
jan soweli li toki
  ona li moku ala
  ona li nena taso
mije ike li toki
  lon la ni^ tu li sama
jan soweli la ni^li lon ala
taso ona li toki ala e ni tawa mije
  tan ni
    ona li wile ala e utala
    mije li utala mute

ante la mije li tawa jan lawa
jan lawa li toki
  sina wile e seme mi
mije-pan li toki
  mi wile e mani meli
jan lawa li toki
  mani pi meli seme
mije+panli toki
z meli mu
  ona li mu
  jan ale li kute
  sina sona ala sona
jan lawa li toki
  a jan ni
  ona li pona mute
  ona li mu
  zla ale mi li kama pona
  ona li mu
    la jan li pona
    la ma li pona
    la ale li pona
  a jan ni li suwi
mije+manili toki
  ona li ike a
    li moku e kon pi pan mi
    li weka e ni^ tan mi a
jan lawa li toki
  a
  sina wile e mani ona
mije li toki
z ni^ a

la jan lawa li tawa
      li pona e tomo ona
        tawa kulupu lawa
toki li tawa wawa lon kulupu
jan lawa li kama toki tawa meli
  laona li toki
    mi sona e ni
    mi o pana e mani mi
      tawa mije pan
telo li lon lukin ona
jan lawa li toki
  sina jo e mani anu seme
meli li toki
  mi jo e mani lili
ona li kama jo e mani ona
mani ni^> li lili
    li sike
    li kiwen a
jan lawa li toki
  o jo e mani
  o kama tawa tomo lawa

ale kulupu li kama
    li wile kute
    li wile sona e ni
          seme li kama

tomo lawa la jan lawa li toki
  meli o
  sina moku e kon pan
  anu seme
meli li toki
  mi ni^
  mi jo ala e moku
  kon li pona mute
  mi nena e ona
mije li toki
  nena en moku li sama a
  ona li moku e kon mi
jan lawa li toki
  meli o pana e mani sina
    tawa mi
meli li pana
jan ale kulupu li mu li toki
  seme
  jan lawa li pona
  tan seme
  la ona li pana e mani meli
    tawa jan ike pan
mani li lon poki len
jan lawa li tawa e poki
ona litoki tawa mije
  kalama ni^ li pona seme
mije li toki
  ona li pona mute a
  mi olin e kalama
jan lawa li mu wawa
  meli li moku e kon sina
  sina moku e kalama pi mani meli
  la ale li pona
jan lawa li pana sin e mani tawa meli
kulupu jan li mu wawa
  ni^ li pona mute
  meli li awen jo e mani
mije li pilin utala
  li wile utala
taso jan lawa li toki
  la ken mije li moli
pona mute a

lipamanka pan meli