home | toki pona taso | essays | stories | weasel | resources | stuff I like | about | linjamanka | give | linguistics | tok pisin

toki pona taso home | waso | kili | supa | len tonsi | kon pan | toki | ma en jan | kalama | jasima

(if on mobile, tilt your phone to the side)

lipamanka li pali e ni
　 　 　 　 kalama jan

jan la
kulupu ale kute li pali e kalama
　 　 　 li pana e kalama
　 　 li musi lon kalama ni
kalama li ken ante mute a

kalama li kama tan seme
kalama li kama tan ni
　 sina mu
　 mu sina li musi li kalama
kalama li kama tan ilo ni
　 sina jo e kasi suli
　 sina weka e insa
　 lupa suli li lon
　 sina pana e selo soweli tawa lupa
　 sina pana e luka tawa selo
　 ilo li pana e kalama
kalama li kama tan ilo ni
　 sina jo e kasi palisa
　 　 　 anu kiwen ni
　 　 　 　 ona li kama
　 　 　 　 tan insa soweli
　 sina pali e lupa mute lon ona
　 sina pana e kon uta tawa lupasuli
　 sina pana e luka tawa lupa ante
　 ilo li pana e kalama
kalama li kama tan ni
　 sina jo e linja
　 linja li pana e kalama
　 la ni^ li ilo kalama
　 　 　 li pona
kalama mute li lon ma
o alasa sona e kalama sin
kalama li musi li pona li lon poka
o pali e kalama

lipamanka mu